• ECCELLENZA SPURTIVA Prisintazione

U CSJC, attore ricunnisciutu di l’eccellenza spurtiva è di l’ameliurazione di a perfurmanza.

À u Centru di u Sportu è di a Ghjuventù Corsa, l’aiutu di l’attori spurtivi ver’di a perfurmanza è u più altu livellu hè una priurità. Sta cunsiderazione purtata à i più cumpetenti à ogni stonda di u so sviluppu hè l’origine di a migliuranza in cuntinuu di u serviziu pubblicu di u sportu resu à a maiò parte di a ghjente. Parmette à u stabilimentu di pudè dà à u sportu amatore è à u pubbicu u materiale, e tecniche è u sapè fà i più putenti pà u sviluppu di a pratica spurtiva, qualsiasi a disciplina.
U CSJC, attore ricunnisciutu di l’eccellenza spurtiva è di l’ameliurazione di a perfurmanza.

Scopu uperaziunale n°1 : 

Accumpagnà è strutturà l’accessu à u sportu di altu livellu 

1.1.1/ U triplice prugettu : ver’di una più bona individualisazione di i parcorsi. 
1.1.2/ Generalizà a criazione di l’accessu à l’altu livellu adattate à u muvimentu spurtivu sanu. 
 

SGARDU À NANTU À
A missione d’aiutu à a perfumanza

Una vigilanza è un accumpagnamentu particulari saranu purtati à sti spurtivi, da accumpagnà li à u megliu in u so triplice prugettu. U serviziu di u PES sarà in leia diretta è regulare, incù i cuurdinadori di poli, i stabilimenti sculari è i parenti.

Oghjettivi

U scopu saria di seguità à pocu pressu 10 % dii spurtivi accolti in u stabilimentu. St’accumpagnamentu rinfurzatu purtaria, sicondu à i bisogni, à nantu à : 
 

  • a scularità
  • l’addestramentu
  • l’urientazione sculare, prufissiunale,è spurtiva. 
     

Scopu uperaziunale n°2 : 

Sviluppà l’offerta di prestazione chì parmette d’addisignà l’eccellenza spurtiva. 

1.2.1/Labellizà a nostra dimarchja qualità : u labellu INSEP maiò. 
1.2.2/Mudernizà l’infrastrutture nostre. 
1.2.3/Creà un centru d’aiutu. 
 

SGARDU À NANTU À
U labellu Insep Maiò

Segnu di qualità è di ricunniscenza, u Labellu INSEP Maiò assicureghja l’accunciamenti è a qualità di i siti d’addestramentu è di a furmazione di i spurtivi d’altu livellu, in u rispettu d’un avvicinanza murale di a perfurmanza d’altu livellu. 
Cunfirmendu una vera dimarchja qualità, hè sottumessu à u rispettu di e dumande di criterii scelti, chì portanu à nantu à ogni puntellu di e prestazione pruposte à l’attori spurtivi : accolta, sportu, furmazione, cummunicazione, salute. 
Conta aghjà 3 livelli (bronzu, argentu è oru), è dà accessu à a reta, ricca di e specificità di i 25 centri ghjà labellizati. 
 

Oghjettivi

U CSJC hà postu una candidatura u 15 di sittembre di u 2017 da ottene u Labellu INSEP Maiò ; l’eligibiltà di a candidatura hè stata nutificata à u stabilimentu u 22 di ghjinnaghju di u 2018 è u cartulare trasmessu di maghju. Tandu ci tocca à mette ci in cunfurmità incù u quaternu di carighe, nanzu l’estimu finale chì parmette l’acquistu di u labellu.

Scopu uperaziunale n°3 : 

Sviluppà a prisenza tarrituriale è a diffusione euro-meditarrania di u CSJC 

1.3.1/ Demucratizà l’accessu à u CSJC pà u sportu amatore 
1.3.2/ Sapè risponde à l’evoluzione di e pratiche spurtive. 
1.3.3/ Sviluppà a dimensione internaziunale 
 

SGARDU À NANTU À
Un Polu d’Eccellenza Tarrituriale à u studiu, pà a muntagna

A criazione di un Centru Rigiunale d’Addestrimentu assuciatu à i sporti di natura è in particulare ingiru à a muntagna hè in gestione in Corti, à l’iniziativa di a Lega Corsa di a Muntagna è di l’arrampichera, di u cullegiu/Liceu Pasquale Paoli è di u CSJC. 
L’idea hè di parte di a classa spurtiva « muntagna », struttura forte è chì funziuneghja aghjà dapoi parechji anni, da principià un pianu d’accessu à l’altu livellu in arrampichera. 
Si sà chì e strutture attuale (dopu à qualchì faccende di rinuvazione) pudarianu parmette una partenza à a riintrata di u 2019 incù un ricrutamentu in classa di 5esima. 
Cume pà l’altri CRE, u CSJC è u cullaburatore di u PES assicuraranu u seguitu amministrativu è stituziunale, a squadra pedagogica di u cullegiu avarà a cariga di u seguitu cutidianu è sculare, è l’addestrimenti saranu sottu à a rispunsabilità tecnica di a Lega Corsa di a Muntagna è di l’arrampichera. 
 

Oghjettivi

Ricrutendu à parte si da 11 o 12 anni, l’oghjettivu sarà, in un primu tempu, di furmà futuri spurtivi d’altu livellu in arrampichera. 
Ma, à a fine, u scopu hè d’allargà u ricrutamentu à e sfarente pratiche di sportu di natura, par undettu incù a lega d’atletismu o di triathlon, da mette in ballu un veru polu d’eccellenza tarrituriale. 
U scopu hè di favurizà a criazione di una filiera sana di cumpetizione ma dinò l’accumpagnamentu à a furmazione di i mistieri di a muntagna, in u scopu di creà strutture nove (in Chabrières par undettu) da fà di Corti un centru di perizia di sporti di natura.