U seguitu sculare
U seguitu sculare, primura à tempu di u Dipartimentu di u Sportu d’Altu Livellu di u CSJC, è di i capistrutture d’addestramentu, conta dipusizione numarose, furmalizate in a cunvenzione zifrata incù u Retturatu di l’Accademia di Corsica, i Capistabilimentu di i cullegi è licei cuncernati (Cullegiu di e Padule è Giovoni, Liceu Letizia Bonaparte), a DRJSCS corsa è u CSJC.
U dispusitivu rilativu à a scularità di i spurtivi d’altu livellu prupone :
- Un accunciamentu di i cursus sculari in i Stabilimenti chì anu zifratu a cunvenzione, dopu à l’accunsentu di i sfarenti cunsiglii d’amministrazione cuncernati ;
- Un accunciamentu di a scularità chì parmette di dà meze ghjurnate in u rispettu di e necessità di l’insignamentu ubligatoriu ;
- A decizione di cuncolta di i spurtivi in scole à effettivi addattati ;
- L’azzione specifiche à u CSJC.
E cundizione d’urganisazione :
- Messa in ballu di corsi di sustegnu è studii ubligatorii ;
- Seguitu individuale di e valutazione à u trimestru rializate da una lettara mandata à i respunsevuli di i poli ;
- Restituzione di l’infurmazione date in cunsigli di scole à i sculari sicondu à a so classa ;
- Visita o cummunicazione settimanale specifiche incù a Vita sculare ;
- Seguitu di l’assenze in leia incù i CPE di i stabilimenti sculari ;
- Participazione à i cunsigii di scole ;
- Participazione à e discursate di mediazione quandu ci sò incidenti sculari in i stabilimenti sculari.
L’inquadrera
L’inquadrera spurtiva messu sottu à a rispunsabilità di e leghe è assicurata da capitecnichi, cunsiglieri tecnichi rigiunali di a Direzzione Rigiunale è Dipartimentale di i Sporti di Corsica o di capifederali titulari di u Brivettu di Statu 1ma gradu o 2du gradu.
Un addestramentu cutidianu :
L’addestramentu cuntinuu custitueghja u core di u prugettu di e strutture è assicureghja i prugressi è a riescita di i spurtivi(e) selezziunati(e). Ogni simana, Dece à Quindeci ore sò cunsacrate à st’addestramentu sicondu e discipline. St’addestramenti cutidiani funziuneghjanu in alternanza incù a scularità. Sò assicurati à u CSJC nantu à 36 simane à l’annu, o nantu à siti sterni sicondu à a specificità di e discipline. (Gym, Tennis, Nutera)
U seguitu medicale :
U stabilimentu prupone à e Leghe d’urganizà u so propiu seguitu medicale in regula
Vita di u spurtivu d’altu livellu
Una qualità di vita à u CSJC hè adattata à i giovani spurtivi durante l’annu sculare, ancu puru a dumenica è i ghjorni festivi pà l’interni, fora di e vacanze sculare.
Allughjati à u CSJC, in camara doppia incù sala di bagnu, i spurtivi prufitteghjanu di prestazione specifiche chì migliureghjanu à u cutidianu a so qualità di vita :
- Risturazione in self serviziu incù regime adattatu ;
- Custodia à l’internatu assicurata da surveglianti ;
- Seguitu pedagogicu incù urganisazione di corsi di sustegnu cuordunati da Prufissori staccati à u CSJC ;
- Trasporti sculari da raghjunghje i stabilimenti in cunvenzione incù u CSJC ;
- Messa à dispusizione di materiale infurmaticu è multimedia ;
- Animazione in simana.