Perseguì un impurtante pulitica di sviluppu durabile
L’ughjettivi di sviluppu durevule aduttati da i 193 paesi di l’ONU in u 2015 laganu una piazza maiò à l’accessu per tutti à un educazione di qualità, à a salute è à l’inserzione prufeziunale. Cusì, u sviluppu durevule tocca à dumande sucietale è micca solu à dumande di l’ambiu. Scrittu in l’oghjettu di u stabilimentu dapoi u 2012, u sviluppu durevule hè firmatu una primura di l’eletti quand’elle hè stata creata a struttura. U CSJC in quantu à Sindicatu Mistu hà tenutu contu di e preocupazione di l’ambiu è sucetale à traversu à tutte l’attività purtate. U scopu hè di sviluppà sti fatti in un prughjettu di stabilimentu è di divintà una vera via di sviluppu.Scopu uperaziunale n°1 :
Favurizà una gestione riflettuta di e risorze di u territoriu cù u sviluppu di i sporti di natura.
3.1.1 / Prumove a pratica di i sporti di natura.
3.1.2 / Sviluppà i partenarii in lea cù u sviluppu durevule è a natura.
Una vigilanza è un accumpagnamentu particulari saranu purtati à sti spurtivi, da accumpagnà li à u megliu in u so triplice prugettu. U serviziu di u PES sarà in leia diretta è regulare, incù i cuurdinadori di poli, i stabilimenti sculari è i parenti.
U scopu saria di seguità à pocu pressu 10 % dii spurtivi accolti in u stabilimentu. St’accumpagnamentu rinfurzatu purtaria, sicondu à i bisogni, à nantu à :
- a scularità
- l’addestramentu
- l’urientazione sculare, prufissiunale,è spurtiva.
Scopu uperaziunale n°2 :
Favurizà una gestione riflettuta di e risorse in u stabilimentu.
3.2.1 / Perseguì è sviluppà una pulitica impurtante di scelta ughjettivu Zeru Frazu / Zéro Déchet.
3.2.2 / Favurizà un cunsummu respunsevule, prumove un’alimentazione più sana è luttà contr’à sperpera.
3.2.3 / Favurizà un utilisazione per u megliu di e risorse energetiche.
U CSJC, una riserva fundaria à prò di a pedagugia, a pruduzzione è a biudiversità.
I valori è i metudi cumuni à tutte l’azzione di u stabilimentu sò di pinsà l’umanu, è a natura, cum’è elementi chì dipendenu l’unu da l’altru in un sistema induv’elli si sviluppanu. Cusì ogni azzione pedagogica purtata da una visione durevule di a sucetà cumplessa induve semu, cuntribuisce à un avvene più bonu. A cura purtata à i mezi naturali, à l’alimentazione (in particulare à a qualità di i prudutti manghjati) è dunque à a salute di i ghjovani hè in stu quadru impurtantissima.
U CSJC hà dinò una riserva fundaria in cità, marcata da una dinamica maiò di custruzzione. Prutege ste terre, valurizà le è gestisce megliu u spaziu per e custruzzione necessarie à a nostra missione di serviziu pubblicu, pare più chè logica. U CSJC hà un tarrenu maiò chì ùn si pò custruì chì ghjè in una zona inundevule, cusì hè statu postu è hè divintatu un chjosu. Parechji partenarii (case d’alloghju, centru d’educazione à l’embiu, associ) sò interessati da sti primi travagli. U prughjettu hè di creà parechji chjosi pedagogichi, adattati à sfarenti pubblichi (di l’associ partenarii, interni di u centru, sculari, ghjovani agricultori) è pirmittaria di purtà prughjetti educativi, sperimentazione à nantu à a permacultura in cuuperazione cù a reta corsa di permacultura, di pruduce roba cù un valore nutriziunale altu.
Scopu uperaziunale n°3 :
Favurizà l’inclusione di i pubblichi i più debule
3.3.1 / Prumove l’attività spurtive è d’asgiu per e persone in situazione di svantaghju.
3.3.2 / Cuntribuisce à l’inclusione di e persone in situazione di svantaghju.
Ghjè in u 2013 dopu à l’urganisazione di u primu avvenimentu « ça roule pour tous ! » cunsacratu à l’accessu à i sporti per e persone in situazione di svantaghju, chì e prime surtite misinche « sportu per tutti » sò state urganizate da u CSJC in partenariatu cù l‘associu di i Paralizati di Francia.
St’azzione regulare rendenu perennu l’impegnu di u stabilimentu dapoi u so partenariatu cù l’associu Zallella per l’urganisazione d’un collochiu à nantu à u « sportu per tutti » in u 2010 è l’urganisazione di a ragata adatta « Voile en tête » (200 participazione in u 2012).
Venenu prupone à i stabilimenti è à l’associ di sportu di natura chì si ponu fà in famiglia qualsia u svantaghju. I Cimgo sò « kart » cundotti da una persona qualificata chì si mette daretu, i futtogli ogni terrenu ponu esse utilizati in autonomia, a Joëlette hè manighjata da ghjente chì a portanu in collu è e persone valide ponu accumpagnà in bicicletta o in scaruzzetta. Cusì tutti i participianti ponu scopre inseme i chjassi cunnisciuti è pruvati da e squadre di u CSJC è di e cullettività cuncernate.