SVILUPPU DUREVULE Gestione riflettuta

Gestione di a rumenzula

Cù un’osteria di 180 piazze aparta notte è ghjornu simana sana, u CSJC pruduce una quantità maiò di ghjetti biulogichi chì una parte hè dighjà valurizata.
U scopu hè di sminuì i ghjetti di u stabilimentu chì a respunsabilità hè di tutti è à tempu d’esse in u triplice prughjettu cù a pratica di gesti di u campà inseme.
L’attività spurtive pruducenu una quantità maiò di ghjetti plastichi. U CSJC hà a respunsabilità di sensibilisà u pubblicu di u stabilimentu (membri di l’associ è i club, parenti è visitori) in quantu à st’abitudine di cunsumu è pò favurizà a so azzione cù gesti chì rispettanu l’ambiu.

Cunsumu respunsevule

L’ughjettivu educativu di u CSJC rende u centru da locu perfettu per l’imparera di modi di cunsumu è di pruduzzione di a robba da manghjà chì rispettanu l’ambiu chì costanu ciò ch’elli valenu è chì participeghjanu à u benestà è a salute di a ghjente.
A perfurmanza spurtiva hè vista da una gattiva manera à livellu di l’alimentazione, sughjettu chì pò impegnà i ghjovani atleti è i so addestratori.
Un prugramma dieteticu per l’annu hè messu in piazza rispittendu e ricumandazione di u « gruppu di studiu di i mercati in Resturazione Culletiva è di Nutrizione » GRMRCN è di u Pianu Naziunale Manghjà in Salute (PNNS). I cucinari di u stabilimentu è l’inseme di l’addestratori sò impegnati.
Per ciò chì tocca à a lotta contru à u frazu, un affissera hè prisente mentre a distribuzione è e squadre facenu casu à u numaru di ghjente chì vene à manghjà. Cumprà a robba da manghjà per via di un marcatu pubblicu, permette di serve si ind’è i picculi pruduttori.
Utilisazione per u megliu di e risorse energetiche
Quand’ellu hè statu cuncipitu è mentre à a so custruzzione in 3 tappe, era pinsatu u stabilimentu ghjà per risparmià l’energia. Ma e stallazzione aduprendu l’energia pulita (acqua scaldata da u sole per u più), ùn anu mai pussutu viaghjà di manera curetta allora chì l’isulamentu ùn era micca bonu.
Da u stabilimentu attuale, studiemu i piani per a rinuvazione energetica, per ciò chì tocca à u lume, l’isulamentu, u tettu è u ricuperu di l’acqua di piossa.
U CSJC hà dinò una riserva fundaria in cità, marcata da una dinamica maiò di custruzzione. Prutege ste terre, valurizà le è gestisce megliu u spaziu per e custruzzione necessarie à a nostra missione di serviziu pubblicu, pare più chè logica. U CSJC hà un tarrenu maiò chì ùn si pò custruì chì ghjè in una zona inundevule, cusì hè statu postu è hè divintatu un chjosu. Parechji partenarii (case d’alloghju, centru d’educazione à l’embiu, associ) sò interessati da sti primi travagli. U prughjettu è di creà parechji chjosi pedagogichi, adattati à sfarenti pubblichi (di l’associ partenarii, interni di u centru, sculari, ghjovani agricultori) è pirmittaria di purtà prughjetti educativi, sperimentazione à nantu à a permacultura in cuuperazione cù a reta corsa di permacultura, di pruduce roba cù un valore nutriziunale altu.