L’imparera in i mistieri di l’animazione è di u sportu

1 – Età 
Nurmalmente, l’imparaghjolu deve avè trà 16 è 25 anni (compii – 29 anni in Corsica in u 2019), ma ponu esiste derugazione. 
Età minima : pò esse calatu à 15 anni : s’ellu ci ghjunghje trà a rientrata sculare è u 31 di dicembre di l’annata civile è ch’ellu hà compiu à so annata di terza. 
Età massima : pò esse sin’à 30 anni : s’è un imparaghjolu ferma un novu cuntrattu d’imparera chì permette un diplomu più altu chè quellu ghjà avutu, o s’è u so primu cuntrattu d’imparera hè statu rottu per raghjò fora di a so vulintà. In i dui casi, ùn si deve micca passà più d’un annu trà i dui cuntratti. Di manera sperimentale, sin’à u 31 di dicembre di u 2019, a limita d’età hè purtata à 30 anni. 
Nisun limita d’età più alta 
Quandu u cuntrattu d’imparera hè fattu cù una persona in situazione di svantaghju ; Quandu u cuntrattu d’imparera hè fattu cù una persona chì hà un prughjettu di creazione o di ripresa d’intrapresa chì necessiteghja u diplomu o u titulu di a furmazione seguitata ; Quandu u cuntrattu d’imparera hè fattu da una persona (addestradore, arbitru è ghjudici spurtivi) scritta in a lista firmata da u ministru incaricatu da i sporti in quantu à spurtivu d’altu livellu. 
2 – Durata 
A durata di u cuntrattu hè almenu uguale à u ciculu di furmazione (trà 1 è 3 anni). Deve esse à u minimu di 400 ore à l’annu in media. Hè mudulata in certe cundizione è cù l’autorisazione di l’ispettore d’imparera. 
Per i travagliadori in situazione di svantaghju è i spurtivi d’altu livellu : a durata di u cuntrattu d’imparera pò andà sin’à 4 anni ; L’insignamentu datu in u CFA pò esse cresciutu d’un annu di pettu à a durata nurmale di a furmazione. 
3 – Retribuzione 
Mentre u cuntrattu, l’imparaghjolu hè cunsideratu da salariatu cum’è l’altri à livellu di a lege. A so retribuzione minima hè calculata secondu à a so età è l’annata di furmazione. Pò esse trà 25% à 78% di u smic. I patti cullettivi in l’intraprese ponu decide di retribuzione minime più alte.  
4 – Cundizione di travagliu 
L’imparaghjolu hè sottumessu à u listessu tempu di travagliu chì l’altri salariati di l’intrapresa (fora di s’ellu hà menu di 18 anni) è hà listessi dritti (vacanze pagate, vacanze di partu…). Per a priparazione di e so prove, l’imparaghjolu hà u drittu à 5 ghjorni di vacanze in più u mese nanzu à e prove. S’ellu hà menu di 21 anni, pò dumandà vacanze in più senza paga pattu certe cundizione. 
 

Firmà un cuntrattu trà un imparaghjolu hè un intrapresa privata, pubblica o di cummerciu o ancu associativa hè necessariu. Si ferma in 3 esemplarii à dà à u CFA per accunsentu. Dopu, hè tinutu u primu esemplariu da l’imparaghjolu, u sicondu hè per l’intrapresa è u terzu per l’arregistramentu : à l’urganisimu cunsulare chì currisponde à u settore d’attività (cambara di i mistieri è di l’artisgianu o d’agricultura o di cumerciu è d’industria) s’ellu hè un intrapresa chì tocca à u settore pubblicu micca industriale è cummerciale. 
U Statu hè garante di u bonu funziunamente di l’imparera. 
Tutte e furmazione in imparera portanu à diplomi dati da u ministeru in carica di a ghjuventù è di u sportu è sò di a cumpetenza di u direttore reghjunale di a ghjuventù, di i sporti è di a cuezione suciale. L’imparera hè sottumessa à un doppiu cuntrollu da l’ispezzione di l’imparera incaricata di seguità u sviluppu di a furmazione è i so aspetti pedagogichi (per u settore di a ghjuventù è di i sporti, l’ispezzione di l’imparera hè fatta da l’ispettori di a ghjuventù è di u sportu sottu à l’ordine di u ministru) è da l’ispezzione di u travagliu chì cuntrola a messa in opara di a lege. 
Telecaricate u librettu d’Imparera per l’intraprese 
Pudede vede… 
U situ specialisatu di l’imparera : www.alternance.gouv.fr 
 

A furmazione 
Un cuntrattu d’imparera hè un cuntrattu di travagliu particulare chì l’intrapresa s’impegna à :  
Dà una paga 
Assicurà una furmazione à u ghjovanu travagliadore 
A furmazione hè di gratisu per l’imparaghjolu. A so retribuzione si face secondu à a so età è di u statutu di l’intrapresa (pubblicu o privatu). 
Fighjulate ancu a rubrica Perchè divintà un imparaghjolu ? di u situ di u Ministeru di u travagliu, di l’impiegu, di a Furmazione prufeziunale è di u Dialogu suciale. 

Vulete impiegà un imparaghjolu 
Sete un intrapresa privata o pubblica, sviluppendu attitività in u duminiu di l’animazione è di u sportu è vulete ricrutà un ghjovanu in imparera per furmà lu. 
Sete un intrapresa privata : cunnosce e me dimarchje è i me vantaghji per l’impiegu d’un imparaghjolu. 
Sete un associu è vulete esse accumpagnatu, andate à vede Etreemployeur.fr 
Sete un impegatore pubblicu, andate à vede u situ di a Funzione pubblica 
 

U cuntrattu d’imparera 
U cuntrattu d’imparera pò esse fattu : cù una durata limitata, almenu uguale à quella di u ciculu di furmazione chì tocca à issu cuntrattu. Stu tempu pò esse trà 12 è 36 mesi secondu à e furmazione è u diplomu appruntatu ; in u quadru d’un CDI è in stu casu, principia per l’imparera. 
Andate à vede u situ di u ministeru di l’impiegu dedicatu à l’imparera : pussibilità di spone un offerta d’impiegu à nantu à u situ. 
 

U maestru d’imparera 
Ghjè a maiò parte di u tempu, un impiegatu cù a sperienza è motivatu per esse lu è disignatu da l’impiegatore. Pò esse accumpagnatu d’altri impiegati (squadra di maestri) da arrichisce l’accumpagnera di l’imparaghjolu secondu à e cumpetenze circate. 
Impurtante : in u duminiu di l’animazione è di u sportu è in particulare, per l’associ chjuchi chjuchi chì ùn anu salariati, da tene in contu di a particularità di l’impiegu in isse strutture, hè adimessu chì u maestru d’imparera possi esse benevulente pattu cundizione di ghjustificà di isse cumpetenze sottu. 
E so missione 
In lea cù u CFA, u maestru d’imparera in a struttura (intrapresa, associu, cullettività lucale ecc…) hà per missione di cuntribuisce à l’acquistu da l’imparaghjolu di e cumpetenze chì currispondenu à u diplomu appruntatu. 
Un maestru d’imparera ùn pò avè più di dui imparaghjoli. 
Quale pò esse maestru d’imparera ? 
Ognunu chì pò ghjustificà di ste cumpetenze : 
Avè un diplomu o titulu chì currisponde à a furmazione appruntata da l’imparaghjolu è ghjustificà di dui anni di sperienza prufeziunale ; 
O ghjustificà di 3 anni di sperienza prufeziunale in lea cù a furmazione appruntata. 
L’aiuti finanziarii pussibile è propii à l’ambiu di l’animazione è di u sportu 
Ci sò parechji aiuti finanziari pussibile : dispensa di cariche, premiu rigiunale (1000 euri à u menu), creditu d’impositu, ecc.. (Sapè ne di più) 
Pà l’associ spurtivi (in u quadru di u CNDS) : à parte si da u 2015, 6000 à l’annu durante dui anni à u menu pà u ricrutamente d’un imparaghjolu chì si ponu aghjustà à l’altri aiuti finanziarii 
Qualchì sciffru à nantu à l’amparera in i mistieri di l’animazione è di u sportu in Île de France 
À pocu pressu 1000 imparaghjoli ind’e i mistieri di l’animazione è di u sportu ind’e i quali 60% in u sportu 
Più di 90% di l’imparaghjoli in u settore assuciativu 
41% di l’imparaghjoli sempre travagliadori 6 mesi dopu à a fine di a furmazione ind’e i quali 53% in CDI 
 

BPJEPS Attività Fisiche pà Tutti « tarra d’impiegu » 
BPJEPS Attività di a Tura 
Doppia qualificazione BPJEPS Attività Fisiche pà Tutti « ambiente è natura » è BPJEPS 
Canoë-Kayak è Discipline Aggregate in acqua chì corre 
BPJEPS Attività Fisiche pà Tutti « sportu cullettivu : u ghjocu à ballò » 
DEJEPS Sviluppu di prugetti, tarritorii è rete 
 

• Cunsigliu di a perfurmanti
• Accordu C.F.A
• Analisa di cunsigliu di a perfurmanti