Campà inseme

U patrimoniu naturale di a Corsica rende l’attività di nature da arnesu educativu di prima trinca masimu più ch’ellu permette di pinsà un sviluppu di e zone disgraziate (à livellu ecunomicu) di u territoriu. In un ambiu ch’ellu ci vole à priservà, issu sviluppu serà una bona, pattu cundizione ch’ellu sippia accumpagnatu d’imparera è di sviluppu di bone pratiche, di rispettu di e norme. 
Valurizemu i sporti di natura in l’azzione d’accolte cullettive di menu di 18 anni « l’Estate in mossa », cum’è in u nostru prugramma di sviluppu di u Sportu Natura è svantaghju « Spartimu ! ». 
 

U CSJC hè impegnatu dapoi u 2010 à fiancu à parechji partenarii da prumove è sviluppà a pratica spurtiva di natura per tutti. Ghjè d’un latu di rende l’accessu à tutte e discipline à tutti (in particulare à a ghjente in futtogliu) è d’un antru latu di prumove una pratica mista chì si pò sparte chè no sippimu validi o micca.

E nostre azzione 
U CSJC hè partenariu di l’Associu di i paralizati di Francia (APF) per l’urganisazione di surtite misinche : prugramma « Spartimu ! » 
Un avvenimentu annuale, « ça roule pour tous », 
Un secondu appuntamentu annuale cunsacratu à u nautisimu, 
À cantu à l’accolte cullettive per i menu di 18 anni, urganizemu mentre e vacanze sculare (fora di quelle di l’estate), accolte per ghjovani in situazione di svantaghju. 
Sviluppà nove attività cù l’impegnu di parechje municipalità (sporti di neve, sporti nautichi). 
 

In u 2006, a squadra di u CREPS inventa u dispusitivu « ARDI » ispiratu da u travagliu pruduttu da l’urganisazione internaziunale Outward Bound chì prupone à l’intraprese è à l’attori di u duminiu suciale un avvicinata particulare di a dinamica di squadra. Mischiendu sporti di natura, riflessione è messa in piazza di novi andamenti, stu prughjettu serà di propone un offerta d’accumpagnu è di furmazione per u sportu d’altu livellu. 
S’arremba à nantu à un metudu pedagogicu attivu : l’imparera da a sperienza. In u filu di i travagli di John Dewey po di Donald Shon, David Kolb definisce per stu prucessu, un ciculu chì hà 4 tappe : a spirienza cuncreta, l’osservazione riflettuta, a cuncetualisazione astratta è a sperimentazione attiva.  
Intraprese anu fattu cunfidenza à u stabilimentu per risponde à i so bisogni di furmazione specifiche. E squadre anu pussutu mette a so sperienza sviluppata à u cuntattu di u pubblicu spurtivu à serviziu di e squadre di travagliu pubbliche cum’è private. St’offerta di prestazione hè troppu scunnisciuta è merita d’esse sviluppata. 
 

CIMGO 
Descrizzione : 
Futtogliu à dui tuttu terrenu di fallata à quattru rote dendu a pussibilità à i participanti di stracquà e so anche. 
Stu futtogliu tuttu terrenu senza mutore necessiteghja un « pilotu accumpagnatore » chì hà una certificazione specifica per st’allestimentu. 
Messa à dispusizione : 
2 cimgo 

FUTTOGLIU TUTTU TERRENU (FTT) 
Descrizzione : 
Vitturetta à 4 rote cù o senza mutore. Stabilità, asgiatezza è securità : Pusizione pratica di cundotta cù anche stracquate, carrega à tragula, cinta arregulatoghja di mantenimentu. 
U participante si spiazza in autonomia è ùn dumanda micca di « pilotu accumpagnatore ». 
Messa à dispusizione : 
2 FTT elettrichi 
JOELETTE 
Descrizzione : 
Cum’è u risciò ghjappunese. Futtogliu tuttu terrenu monorota chì permette a pratica di a marchja o di a corsa à ognunu ch’elli sianu invalidi o svantaghjati, zitelli o maiò ancu i più svantaghjati cù l’aiutu d’almenu dui accumpagnatori. 
Messa à dispusizione 
1 joëlette elettrica 

JOELETTE TIC-TAC SNOW 
Descrizzione : 
A nantu à un arnese di tippu joëlette, a joëlette Tic-Tac Snow hè stata cuncipita à postu per attività di neve cù in più una fissatura d’un snowboard. 

Messa à dispusizione : 
1 joëlette Tic-Tac Snow 

TANDEMU SCHÌ 
Descrizzione 
Futtogliu arrimbatu à i schì induv’ellu ci vole un « pilotu accumpagnatore » furmatu messu daretu à l’ardignu 

Messa à dispusizione : 
1 tandemu schì