BPJEPS specialità « educatore sportivu » menzione « attività fisiche è sportive di a forma »

scheda RNCP
U titulariu d’un BPJEPS specialità « educatore sportivu » menzione « attività fisiche è sportive di a forma » hè capace d’assicurà in autonomia a realizazione di e so animazioni è d’accompagnà u sviluppu di a so struttura per mezu d’un’anàlisi di i bisogni di i diversi publichi, d’un’adattazione di e so attività à diverse finalità è cuntesti è d’una capiscitura di l’ecosistema induve a so struttura si sviluppa. Hè forza di pruposta nant’à l’evoluzione di l’offerta d’attività di a so struttura è hè capace di purtà novi prughjetti chì s’inscriveno à u serviziu di u prughjettu di a so struttura, di a so pulitica è di a so strategia di sviluppu. Prumove l’offerta d’attività di a so struttura è in generale incuragisce è favorisce a fidelisazione di u publicu in e discipline sportive di a forma è quelle assuciate. A so azzione s’inscrive in un quadru definitu da u rispunsevule di struttura. Ùn hà micca a vocazione d’ingagià a struttura in a ricerca o a mobilizazione di mezi umani, materiali o finanziarii senza a validazione di u rispunsevule di a struttura è ùn implica micca a gestione d’equipe, nè a trasmissione di cumpetenze.

A maiò parte di l’impieghi pussibuli per u titulariu d’un BPJEPS « attività fisiche è sportive di a forma » si trovanu in e strutture private di u settore mercantile: centri di fitness, franche è strutture indipendenti. L’impieghi pruposti si declinanu dinù, in numeru più riduttu:

in u settore associativu: club omnisports o club affiliati à a Federazione Francese d’Halterofilia Musculazione o à a Federazione Francese di Forza

stabilimenti di salute, centri di prevenzione

cumitati d’impresa.

U mistieru hè spessu esercitatu, in autoimpresa, à tempu pienu o in cumul di parechji tempi parziali realizati vicinu à parechji patroni è in diversi settori.

U titulariu d’un BPJEPS « attività fisiche è sportive di a forma » cuncepisce sessioni chì permettenu di securizà l’attività, di mantene a motivazione di u publicu è di fà prugressà i participanti migliorendu u so livellu di pratica. Adatta ste sessioni, u materiale dispunibule, l’ambiente di pratica ecc. à e caratteristiche di tutti i publichi è à una pluralità di finalità in u campu di l’attività fisiche è sportive di a forma. Anticipa i fenomeni chì ponu compromette u bon svolgimentu di l’attività tenendu contu di u livellu è di e caratteristiche di u publicu ch’ellu hà in carica. In pruponendu à i praticanti apprendimenti chì permettenu un prugressu sportivu in musculazione, in halterofilia o in forza atletica, permette à questi ultimi di participà, s’ellu ci vole, à i primi livelli di cumpetizione è l’accumpagna.

Ognuna di l’attività fisiche è sportive currispondenti à i trè duminii menzionati à l’articulu 3 di u presente arrigulamentu pò esse cundutta da u titulariu di u BPJEPS « attività fisiche è sportive di a forma » in grande cullettivu, in picculu cullettivu « small group » è in coaching individuale.

vede u rifferenziale

Mezzi e strumenti pedagogici

L’insignamenti si basanu nant’à i metudi è l’arnesi seguenti:

l’amparera per esperienza

i metudi detti alternativi (d’origine di u filu di l’educazione pupulare)

l’usu di e nove tecnulugie

a messa in situazione pedagogica

…

Programmazione pedagogica

Ribanu pedagogicu

Modalità d’evaluazione